1. Inleiding
Op Sondag, 26 April, het die gemeente ’n betekenisvolle mylpaal beleef tydens ’n spesiale erediens waar belydenis van geloof en die sakrament van die Doop sentraal gestaan het. Hierdie geleentheid dien as ’n kragtige getuienis van die groei en geestelike volwassenheid binne ons gemeenskap.
2. Sakramente en Belydenis
Die oggend was gekenmerk deur die belydenisaflegging van
lidmate wat hulle geloof in die openbaar bevestig het.
- Doop: In ’n besonderse oomblik is lidmate wat nog nie voorheen gedoop was nie, saam met hulle kinders gedoop. Hierdie gesinsdoop beklemtoon die verbonds-karakter van ons geloof en die voortsetting van die evangelie na die volgende geslag. Links op die foto is die jonger broer van die een regs wat saam met sy vrou en twee dogters gedoop en belydenis van geloof afgelê het.
3. Identifisering van Toekomstige Leierskap
Vir ’n geruime tyd was daar onsekerheid oor die opvolging binne die kerkraad. Vir u wat ons gemeente hier plaaslik ken sal weet van die kommer wat ons vir dekades met ons saamgedra het. Ons het net ou manne op die kerkraad gehad en in die gemeente was daar nie jonger manne om van te kies nie. Dit is egter met groot dankbaarheid dat ons kan aankondig dat die Here nuwe leiers na vore gebring het:
- Nuwe Koördineerder: Enkele maande gelede is ’n lidmaat bevestig en daarna as ouderling gekies. Hy dien tans ook as die koördineerder van die Naro Language Team (verantwoordelik vir die Bybelvertaling in Naro). Sy kundigheid en roeping is ’n groot aanwins vir ons kerk se breër missie.
- Die Twee Broers: Tydens die belydenisaflegging op 26 April het die twee broers uitgestaan as potensiële ampsdraers. Hulle beskik oor die nodige gesindheid en gawes om onderskeidelik as diaken en ouderling te dien.
4. Geestelike Erfenis en Tradisie
Dit is noemenswaardig dat hierdie twee broers die seuns is van ’n wyle predikant van die Lutherse Kerk. Dit was sy lewenslange droom dat sy seuns eendag in sy geestelike voetspore sou volg.
Hoewel hulle hulself nou binne die Gereformeerde tradisie bevind, erken ons die noue historiese en teologiese bande tussen die leerstellings van Calvyn en Luther. Hul agtergrond bring ’n ryk ekumeniese perspektief na ons kerkraad, terwyl hulle terselfdertyd die vaderlike droom van diensbaarheid in die koninkryk bewaarheid.
5. Pad Vorentoe: Aprobasie
Die proses vir die twee broers:
- Hulle het op Sondag die 26ste April belydenis van geloof afgelê.
- Die volgende stap is om hulle kragtens die kerkorde ter oprobasie aan die gemeente vir drie Sondae voor te hou.
- Ons vertrou dat hierdie tydperk van toetsing die gemeente se eenparige steun sal geniet.
3. BEDIENINGSAREAS: MOTOPI EN CHANOGA
Die afgelope naweek is ’n suksesvolle besoek aan die oostelike wyke afgelê.
3.1 Besoek aan Chanoga
Vanaf Maun is Chanoga ongeveer 50 km duskant Motopi en 285 km vanaf D’kar geleë.
- Hierdie is ’n blanke wyk wat met hulle attestate na ons kerk toe oorgekom het.
- Bybelstudie en Beplanning: Gedurende ’n Bybelstudie die Saterdagaand is die toekomstige bediening bespreek. Die lidmate het met dankbaarheid die voorstel aanvaar dat hulle voortaan elke keer bedien sal word wanneer daar na Motopi uitgereik word. Ons het ook die Saterdag by hierdie lidmate oornag.
2 Besoek aan Motopi
- Welsyn: Dit gaan onder omstandighede goed met tannie Dorette. Regs is sy besig om die kerkklok te lui. Sy word hierdie jaar 82 en getrou onderrig sy die kinders Sondae. K
- Sondag-erediens: Die erediens is om 11:00 deur my waargeneem.
- Jeugbetrokkenheid: Dit was besonder verblydend om soveel jongmense in die kerk te sien. Baie van hierdie jongmense het daar voor ons groot geword en sommige van hulle het nou self kinders, wat dui op ’n vrugbare kontinuïteit in die bediening.
4. SAMEVATTING
Die Here voorsien wonderbaarlik in sowel nuwe leierskap as die uitbreiding van ons bedieningsveld na afgeleë wyke. Ons gaan voort met vrymoedigheid om hierdie lidmate te bedien en die leierskapstrukture te versterk.
6. Gevolgtrekking
Die bevestiging van hierdie nuwe kragte in D’kar is ’n direkte antwoord op die gemeente se gebede rakende leierskap in ons gemeente waaroor ons baie dankbaar is. Ons sien met verwagting uit na die bydrae wat hierdie manne sal lewer tot die uitbouing van God se koninkryk en die stabilisering van ons kerkraad vir die jare wat kom. Ons gebed is dat die Here ons kerkraad sal seën en ons vra veral u voorbidding in hierdie verband. U broer in Christus, Hendrik du Plessis.